Programa do Partido Popular de Carballo (VII). Medio ambiente.

      Gran Parque Metropolitano do Bosque.

      O Partido Popular deseñou, elaborou o proxecto e conseguí a financiación necesaria para realizar o actual paseo fluvial do Anllóns. Agora ampliaremos o Paseo Fluvial do Anllóns ata o Muiño da Cheda.

      Hai Carballeira! Creación dunha gran carballeira que se fará árbore a árbore. Por cada carballés/a que naza, o concello prantará un carballo (ou outra árbore autóctona) que levará o nome do neno/a. Faremos unha gran carballeira da que todos nos sentiremos partícipes.

      Novo paseo marítimo dende a Pedra do Sal ata o límite coa Laracha (3,5 km.), para enlazar co de Caión.

      Implantaremos novas zonas de xogos infantís no Parque do San Martiño, na praza da Horta de Romay e na Horta do Casino.

      Conseguir unha nova praza pública e zona verde no espazo lindante coa rúa Concepción Arenal, con saídas ás rúas Colón e Vázquez de Parga.

      Plan de semipeonalización de rúas.

      Aula da Natureza na Férveda de Entrecruces.

      Desenvolvemento e promoción do espazo natural Razo-Baldaio como recurso turístico e de lecer.

      Fomentaremos a separación en orixe dos residuos sólidos urbanos, xeneralizando a recollida selectiva mediante unha maior dotación de contedores nos barrios e parroquias.

      Avanzaremos cara a progresiva implantación de contedores soterrados.

      Continuaremos coa eliminación de vertedoiros incontrolados e a conseguinte rexeneracion dos espazos que ocupaban.

      Implantaremos programas de compostaxe doméstico, distribuindo composteiros á poboación .

      Crearemos puntos de recollida de aceites usados de uso doméstico, para o seu reciclaxe como biocombustible.

      Estenderemos a elaboración de ordenanzas municipais e a vixiancia para loitar contra a contaminación acústica.