Endulzando a vida

Mañá domingo, a partir das 11 da mañán, o Partido Popular de Carballo fará campaña co lema “Endulza a vida co PP”. Instalaremos unha carpa na rúa Coruña e repartiremos folletos con un resumen das medidas que poñeremos en práctica se os cidadáns nos otorgan a súa confianza.

Carballo ten que cambiar un goberno ineficaz e despilfarrador por un novo equipo que devolva a ilusión e a esperanza que nos permitirán saír da crise. Como símbolo desta ilusión que faremos renacer, obsequiaremos ós cidadáns con onzas de chocolate feito en Carballo, alimento de coñecidas propiedades antidepresivas e antioxidantes. Estades todos invitados (e tamén podedes traer ós nenos/as).

A partir das 13:00 horas, acompañaranos na carpa a conselleira de Sanidade, Pilar Farjas, que ven a apoiarnos e coa que realizaremos un percorrido pola feira, por varias rúas e polo recinto onde se celebra a Festa do Pan de Carballo.

Pola noite, ás 9 faremos un mitin no local social de Sísamo, coa intervención de Miguel Ferreiro e Alberto Sueiro.

Bibiana ten tirón

Tras as intervencións de Manuel Varela e Aurelio Núñez Centeno, unha emocionada Bibiana Bértoa presentouse onte ante os seus veciños de Sofán, que responderon en gran número á súa invitación. Nun salón de actos cheo, Bibiana foi desgranando coa axuda dun proxector (nótase que está familiarizada coas novas tecnoloxías) o que fixo pola parroquia de Sofán o goberno do PP, e o que non fixo o actual bipartito.

A nosa candidata demostroulle a todos que coñece "de pe a pa" o seu territorio e os seus problemas, e tamén as inquedanzas dos seus concidadáns e as necesidades da parroquia (non en vano é Secretaria da Asociación de Veciños de Sofán). Unha intervención sinxela e natural, pero moi pensada, que demostra que Bibiana ten unha vocación política clara e cun só obxectivo: mellorar a calidade de vida do rural.

Ó final, os compañeiros de Sofán obsequiaron ós asistentes con un roscón recheo feito pola sogra de Bibiana (qué bo estaba!).

<

Dúas entrevistas a Alberto Sueiro

(Pinchar na imaxe para ampliar)

(Pinchar na imaxe para ampliar)

Máis de 400 carballeses, ó mitin da Coruña

Máis de 400 carballeses, encabezados polo candidato a alcalde Alberto Sueiro, asistirán mañán ó mitin do Partido Popular que se celebrará no Coliseo da cidade herculina ás 6:30 da tarde, e no que intervirán Carlos Negreira, Alberto Núñez Feijóo e Alberto Ruiz Gallardón.

O Partido Popular de Carballo viuse obrigado a contratar catro autobuses máis dos que estaban inicialmente previstos, polo que en total desplazaranse ó mitin 8 autobuses. A saída está prevista desde a rúa Vila de Negreira, ás 5 da tarde de mañá sábado.

Lamentamos e pedimos disculpas por non poder atender todas as peticións para acudir a este acto, e agradecemos o apoio e a confianza que os cidadáns depositan no Partido Popular, facendo medrar día a día unha marea que revela as ganas de cambio.

Debate, Mitin en Goiáns e presentación da candidata de Sofán

Bibiana Bértoa Cambón, acompañada por Alberto Sueiro e Aurelio Núñez Centeno

Despois do éxito da pegada de carteis de onte (con tarta sorpresa incluida para Alberto, que cumplía anos), hoxe toca empezar cun debate en Radiovoz sobre emprego e industria, ó que irá Miguel Ferreiro en representación do Partido Popular.

Durante o día, Alberto Sueiro recorrerá a parroquia de Goiáns, acompañado doutros membros da candidatura, e rematará con un MITIN na escola unitaria desa parroquia, ás 9 da noite.

E fechamos a xornada coa presentación de Bibiana Bértoa, candidata de Sofán, no Centro Social ás 9:45 da noite. A nosa candidata estará arroupada por Manuel Varela, Aurelio Núñez Centeno, e Alberto Sueiro.

Debate, presentación do programa de promoción económica e pegada de carteis

O Partido Popular de Carballo participará hoxe ás 13:00 h. nun debate organizado polo "El Periódico de Carballo y Comarca", que se celebrará na Casa de Entremuros, en Cances. Asistirá Juan Carlos Castro Pombo, que debatirá con outros representantes políticos dos concellos da comarca de Bergantiños sobre temas de política municipal.

Ás 14:30 horas, no Restaurante Punta del Este, o candidato á alcaldía Alberto Sueiro presentará ós empresarios as nosas propostas en materia de promoción económica industria, comercio e turismo para o periodo 2012-2020. Está prevista a asistencia de empresarios, comerciantes e profesionais de todolos sectores económicos de Carballo, acompañados de Javier Guerra, Conselleiro de Economía e Industria da Xunta de Galicia.

Entre as medidas propostas, destaca a creación da Axencia Local de Promoción Económica, a redacción do Plan estratéxico do Parque Empresarial, o deseño das directrices do novo centro de formacion municipal e as medidas fiscais e financieras de apoio o establecemento de empresas e creación de emprego en Carballo.

Pola noite, a partir das 23:30 reunirémonos na Praza do Concello de Carballo para iniciar a campaña coa pegada de carteis.

ACTUALIZACIÓN 6-5-2011: Fotos da pegada de carteis:

A tarta sorpresa que lle preparamos a Alberto

O candidato socialista, co seu peculiar eslogan: "Vota ó polbo da túa vida"

Acto Presentación Candidatura PP Carballo 2011

Celebrado o venres 15 de abril no Pazo da Cultura. Son 9 partes.

Éxito do acto "1 flor + 1 programa"

Hoxe, día da nai, acompañamos a Alberto Sueiro no reparto de folletos co resumo do programa do PP. Entregamos tamén máis de 500 begonias na súa maceta de regalo para as nais. Ás 12:30 xa non quedaban existencias. A acollida e os comentarios dos veciños e veciñas que se acercaron ó stand do Partido Popular foron moi calurosos. Percíbense as ganas de cambio. Gracias a todos/as.