Programa do Partido Popular de Carballo (V). Turismo.

      Co apoio económico de Portos de Galicia, promoveremos unha importante actuación de mellora urbanística no Porto de Razo, para aumentar o seu atractivo turístico e como área de ocio. Consistirá na construcción dun novo dique de abrigo, creación dunha explanada e peirao, recuperación de calados, mellora dos accesos, mirador e servizo de restauración.

       Creación dun gran albergue en Razo - Baldaio como punto de encontro e convivencia onde desenvolver actividades lúdicas, culturais e deportivas durante todo o ano: escolas  de surf, remo, vela, motonáutica, buceo, etc., levando a cabo torneos de verán nas suas instalacións

       Construcción dun mirador en Monte Neme

  Colaboraremos coas asociacións de profesionais do sector turístico (hosteleiros, restauradores, axentes de viaxes, guías) e comercial para conseguir actuacións conxuntas atractivas para os visitantes e o destino, como programas de fidelización do turismo, de promoción específica, de formación e capacitación.

       Impulsaremos o turismo rural como axente dinamizador da vida das nosas parroquias, recuperando e valorizando recursos naturais, patrimoniais e culturais no espazo rural.

   Creación e sinalización de roteiros e itinerarios medioambientais, promocionando o turismo de contacto coa natureza e rendibilizando turísticamente os nosos recursos naturais.

       Aproveitaremos o Pazo da Cultura para cedelo como sede de congresos

       Apoio institucional a probas deportivas de carácter nacional, especialmente as vinculadas cos deportes de praia, náuticos e do motor.

     Instalar elementos informativos e sinalización turística dentro e fóra de Carballo


  Favorecer a explotación turística dos deportes náuticos e a dimensión termal de Carballo

     Promover o desenvolvemento turístico da  nosa costa mediante a creación de novos servizos: aparcamento, limpeza, vixilancia, actividades lúdicas e deportivas con  monitores para as diferentes actividades no verán na praia (ximnasia, torneos, etc.)